(Zanni ka kingaihsut):
A leer himhim hiam a mittam deuh himhim dan in ka na kingaihsun a. Zawlmit keuh baih ka hiam ahihkeileh midang aa ding a etlahhuai leh mit-hiip tuntun? A beven leh khawval cihte zaw nang aa ci’n hon ngawh phot ta le’ng. Kahihke’h nang hizaw khattou na hiam le? Na zuaugen siamdan lah na theisen tung a pan na nu leh nang hon donkha peuh in na tung a khutlaam a ‘mu leng e..mu leng eh!! ka nau’ tung bawh ei..’ cia kikhemdan hon zilsak pat uh na hi ngal a. Bangteng hileh kei aa ding a nang ka theisen lungdeih na hih a, khawvel a nanglou a ka hinna bukim theilou ahih na theihluat man a hibang a ka tung a gamta a, kei apan paimang a, hong gamlat nahi cih haih ding in kana pil laklawh ta ngal a.
Bangmah dang ziak hikei, ka hon ngaihman leh muhnawn ka utman a gamla leh kithuzakpha a omlo cihmah, na omna mun mun a nana simkhak di, cia k’on laikhak ahi. Mi’ theih in zumhuai leh kiphatlam huai mahleh eigel tancin abul-abal a hon na theihpih khattou in hon na hehpih khamawh di hia?
Na mintawn a k’onsap ngam ngeilouh, ....KIM..!! ka tung a bang hehna nei a ka kiang a sawt om ut hetlou na hiam? Bang nuamsalou na hia? Na tung a ka hihkhelh om hia? Ke’nlah damsung a kikhen nawnlo di, nang tawh damsung lampi tawnkhawm ding ci in ka na kilawp mahmah sek a maw? Lawm-le-vual leh zapi mai a leng ki-ip zoulou a nang ngaihna leh lunglenna a hun ka zatte na thei di. Na hon ngaihdam a, na hon hehpih a, ka kiang a na hong kik ka na kinem lailai. Apoi mahmah bel zi ka na nei man a!! Thamlou, ta bang ka neita zawmah! Himahleh, itna, itna taktak tawh hon enkol leh hon kikholhpih ding hanciam a sulkik na hong leelleh, anglai pai bang hon pompah ding hi ing.
Kim, ka nunlui, nang na hon nutsiah nung ate phatuam di hikei mahleh na theih di’n ka hon gen ut. Tangval khat hi a, lawm-le-vual lak a cethei leh luck hihsawm in nih leh thum bang kana ’kichhass-pih’ sam a, himahleh nang tung a ka kipahna leh nopna bang kuamah tungah ka ngah kei. A hi hi gen mai le, taksap awnghukna lel a ka na koih ahi. Na hon mawhsa mah di. Hilele, tua zi-le-ta neih nung na-ngawn a ka lungsim a mangtheilou, lung-gulh det leh ngaihsutdet pen nang aa di’n cingzou kisa kei mahleng nang bel cinglua, hunlua leh phatuamlua na hihman ahizaw. mitseek a le etnophuai nawnlou, kihdakhuai hita hial mahleng, nang a ka kinepna, nang a ka kihope-na bei thei kei. Ni khat tei, a khawnung zawdeuh hilehzong, a kikhelma a na hong kik ka hon deihsak leh ka kilam-et ahilai.
Kei’ lam bangzah hiam ka hon genta a, nanglam le ka gennuamzek. Hon mawhsakna lampang in na la kei in. Na lungkimna tan a om hak kasa. Ka hihtheih leh hihzawhna tan a nang a dia gin-om leh phatuam ngaitak a ka omsek phatuamlou abang. Nang ah midang leh siamna hi’n neihlelam a keisang a tungnung zaw deuhte pakta leh maivil deuh a, bawhnuam deuh hi in ka hon thei. Ei khua hilou a, mun dang deuh a lai va zil a va omkhiate khawng na kithuahpihdan leh na omkhawmpih veldante kei aa dia kingaihsiatpih tham leh mitsiiphuai velvul ni tam ahi o. Maithak leh melthak pakta, beven, zulhzau leh khawval, hon cinuam ka hive. Himah ve cin. Tu’n zaw, na deih ka cingzou ta diam ah. Siamsinna lah ka phaktawp tung khat hita ing a, sum le pai lawhkhiak theihna ding sepna neunou kahat nei ing. Nang cihlouh kei lampang ah ka kisap omnawn kei cileng a uanglua hilou ding hi’ng.
Kim, nang ka hon theihsiamlouh nawnna khat ah: Ka thu na zuih-ut hetlouh. Kituaktak leh kitheisiam a i omkhawm theihna ding ci in hiai na hih dia, hici’n na om dia, na hici kei dia, na hici di..cihte tampitak ka hon genkhum sek. Hilele na mang nuamkei. Tu’n le na hong kiknuam a, ka kiang hong belh kik na ut zenzenleh: Keithu a na om ngai di. Ka nute hiam, na nute’ thu hiam, lawmte thu ahizong, inndongta thu ahizong, kila lou ding. Keithu kila ngiat ding. Angmasial leh mahni thudeih na hon ci ding. Eigel kal hon theihsiampih a hon vaihawmsak ding kuamah a omlouh ziak ahi zaw. Tu’n leng a poimawhpen nang leh kei i hi a, midangte poimawhlou hi. Midang hong kitak-lahna ding thu omlou hi.
(Tuni ka ngaihsut): Nang hon neikhalou petmah ding, a tawntung a hon taan ding zaw hita keive maw....Kim..eh! heh heh!! Hilou e. Zan in ka utteng ka lungnoplouhna leh hehna teng na tungah ka hon sungbua. Na kiang a utteng gen ngam leh deihsthu sam ngam a om ka hihleh nang hon neilou ka hidia hia? Nang ka kiang a om, a tawntung a ka ut hun leh ka muhnop hunteng a sapphak leh neihphak gige dia om na hithahah voi. Kim, nang hon zong a hun leh kum tampi tha na paaikhin ka hive le? Bang dia na hong kilakpahlouh a oi? Bang dia hiai – tuni ka ngaihsut – ka lungtang a hong lut pahlou ahia?
Maizen, maizen. Kipakna ing e! Nang hon muhna ding cia ka hihtheihval zen a kisuk a ka pan a, vual eng a hinkhua nuamlou ka na zat a, nang hon ngai ngawingawi a hinkhua kana zatte phatuamlou hina e. Ka hon muta. Ka kiang a om gige a hon taisan ngeilou nahihdan ka hon theicianta. kei mawhna ahi. Hun sawtpek apan ka neih bangbang, ka muh bangbang, ka sawkphak, ka batphak ah na kipak mai le’ng zaw. Ka hon neita. Na mintawn in khatvei k’on sam aw?
A leer himhim hiam a mittam deuh himhim dan in ka na kingaihsun a. Zawlmit keuh baih ka hiam ahihkeileh midang aa ding a etlahhuai leh mit-hiip tuntun? A beven leh khawval cihte zaw nang aa ci’n hon ngawh phot ta le’ng. Kahihke’h nang hizaw khattou na hiam le? Na zuaugen siamdan lah na theisen tung a pan na nu leh nang hon donkha peuh in na tung a khutlaam a ‘mu leng e..mu leng eh!! ka nau’ tung bawh ei..’ cia kikhemdan hon zilsak pat uh na hi ngal a. Bangteng hileh kei aa ding a nang ka theisen lungdeih na hih a, khawvel a nanglou a ka hinna bukim theilou ahih na theihluat man a hibang a ka tung a gamta a, kei apan paimang a, hong gamlat nahi cih haih ding in kana pil laklawh ta ngal a.
Bangmah dang ziak hikei, ka hon ngaihman leh muhnawn ka utman a gamla leh kithuzakpha a omlo cihmah, na omna mun mun a nana simkhak di, cia k’on laikhak ahi. Mi’ theih in zumhuai leh kiphatlam huai mahleh eigel tancin abul-abal a hon na theihpih khattou in hon na hehpih khamawh di hia?
Na mintawn a k’onsap ngam ngeilouh, ....KIM..!! ka tung a bang hehna nei a ka kiang a sawt om ut hetlou na hiam? Bang nuamsalou na hia? Na tung a ka hihkhelh om hia? Ke’nlah damsung a kikhen nawnlo di, nang tawh damsung lampi tawnkhawm ding ci in ka na kilawp mahmah sek a maw? Lawm-le-vual leh zapi mai a leng ki-ip zoulou a nang ngaihna leh lunglenna a hun ka zatte na thei di. Na hon ngaihdam a, na hon hehpih a, ka kiang a na hong kik ka na kinem lailai. Apoi mahmah bel zi ka na nei man a!! Thamlou, ta bang ka neita zawmah! Himahleh, itna, itna taktak tawh hon enkol leh hon kikholhpih ding hanciam a sulkik na hong leelleh, anglai pai bang hon pompah ding hi ing.
Kim, ka nunlui, nang na hon nutsiah nung ate phatuam di hikei mahleh na theih di’n ka hon gen ut. Tangval khat hi a, lawm-le-vual lak a cethei leh luck hihsawm in nih leh thum bang kana ’kichhass-pih’ sam a, himahleh nang tung a ka kipahna leh nopna bang kuamah tungah ka ngah kei. A hi hi gen mai le, taksap awnghukna lel a ka na koih ahi. Na hon mawhsa mah di. Hilele, tua zi-le-ta neih nung na-ngawn a ka lungsim a mangtheilou, lung-gulh det leh ngaihsutdet pen nang aa di’n cingzou kisa kei mahleng nang bel cinglua, hunlua leh phatuamlua na hihman ahizaw. mitseek a le etnophuai nawnlou, kihdakhuai hita hial mahleng, nang a ka kinepna, nang a ka kihope-na bei thei kei. Ni khat tei, a khawnung zawdeuh hilehzong, a kikhelma a na hong kik ka hon deihsak leh ka kilam-et ahilai.
Kei’ lam bangzah hiam ka hon genta a, nanglam le ka gennuamzek. Hon mawhsakna lampang in na la kei in. Na lungkimna tan a om hak kasa. Ka hihtheih leh hihzawhna tan a nang a dia gin-om leh phatuam ngaitak a ka omsek phatuamlou abang. Nang ah midang leh siamna hi’n neihlelam a keisang a tungnung zaw deuhte pakta leh maivil deuh a, bawhnuam deuh hi in ka hon thei. Ei khua hilou a, mun dang deuh a lai va zil a va omkhiate khawng na kithuahpihdan leh na omkhawmpih veldante kei aa dia kingaihsiatpih tham leh mitsiiphuai velvul ni tam ahi o. Maithak leh melthak pakta, beven, zulhzau leh khawval, hon cinuam ka hive. Himah ve cin. Tu’n zaw, na deih ka cingzou ta diam ah. Siamsinna lah ka phaktawp tung khat hita ing a, sum le pai lawhkhiak theihna ding sepna neunou kahat nei ing. Nang cihlouh kei lampang ah ka kisap omnawn kei cileng a uanglua hilou ding hi’ng.
Kim, nang ka hon theihsiamlouh nawnna khat ah: Ka thu na zuih-ut hetlouh. Kituaktak leh kitheisiam a i omkhawm theihna ding ci in hiai na hih dia, hici’n na om dia, na hici kei dia, na hici di..cihte tampitak ka hon genkhum sek. Hilele na mang nuamkei. Tu’n le na hong kiknuam a, ka kiang hong belh kik na ut zenzenleh: Keithu a na om ngai di. Ka nute hiam, na nute’ thu hiam, lawmte thu ahizong, inndongta thu ahizong, kila lou ding. Keithu kila ngiat ding. Angmasial leh mahni thudeih na hon ci ding. Eigel kal hon theihsiampih a hon vaihawmsak ding kuamah a omlouh ziak ahi zaw. Tu’n leng a poimawhpen nang leh kei i hi a, midangte poimawhlou hi. Midang hong kitak-lahna ding thu omlou hi.
(Tuni ka ngaihsut): Nang hon neikhalou petmah ding, a tawntung a hon taan ding zaw hita keive maw....Kim..eh! heh heh!! Hilou e. Zan in ka utteng ka lungnoplouhna leh hehna teng na tungah ka hon sungbua. Na kiang a utteng gen ngam leh deihsthu sam ngam a om ka hihleh nang hon neilou ka hidia hia? Nang ka kiang a om, a tawntung a ka ut hun leh ka muhnop hunteng a sapphak leh neihphak gige dia om na hithahah voi. Kim, nang hon zong a hun leh kum tampi tha na paaikhin ka hive le? Bang dia na hong kilakpahlouh a oi? Bang dia hiai – tuni ka ngaihsut – ka lungtang a hong lut pahlou ahia?
Maizen, maizen. Kipakna ing e! Nang hon muhna ding cia ka hihtheihval zen a kisuk a ka pan a, vual eng a hinkhua nuamlou ka na zat a, nang hon ngai ngawingawi a hinkhua kana zatte phatuamlou hina e. Ka hon muta. Ka kiang a om gige a hon taisan ngeilou nahihdan ka hon theicianta. kei mawhna ahi. Hun sawtpek apan ka neih bangbang, ka muh bangbang, ka sawkphak, ka batphak ah na kipak mai le’ng zaw. Ka hon neita. Na mintawn in khatvei k’on sam aw?
LUNGKIMNA!!
